محترم حضرت حکیم صاحب السلام علیکم! جب انسان کے گھٹنوں سے لیس دار مادہ ختم ہوجاتا ہے تو ٹانگ کو خم دینا بہت مشکل ہوجاتا ہے بلکہ جان پر بن جاتی ہے جب لیس دار مادہ گھٹنوں میں ہوتا ہے تو گھٹنوں کی ہڈیاں ایسے کام کرتی ہیںجیسے مچھلی پانی میں حرکت کرتی ہے۔ گھٹنوں میں لیسدار مادہ بنانے کیلئے یہ نسخہ ضرور آزمائیں۔ ھوالشافی: ایک پاؤ مصبر‘ ایک بوتل سرکہ انگوری لیں۔ مصبر کو بہت باریک کوٹ یا پیس لیں‘ پھر اس میں سرکہ اتنا ڈالیں کہ لئی سی بن جائے۔ پھر اس لئی کو مطلوبہ گھٹنے کے چاروں طرف اچھی طرح لگائیں۔ جب لئی خشک ہوجائے تو اس کےاوپر اور لگادیں‘ اسی طرح تین دن تک لگاتے رہیں تیسرے دن خشک ہونے پر دھولیں۔ رات کے وقت گھٹنے پر پرانا سا کپڑا باندھ لیں‘ پھر دوسرے دن حسب سابق لگاتے رہیں۔ ان شاء اللہ گھٹنے میں لیس دار بھر جائے گا۔

(فضل احمد‘ سرگودھا)